Siril Malmedal Hauge & Kjetil Mulelid
sun14apr18:00Siril Malmedal Hauge & Kjetil MulelidJazz
Om arrangementet
Sundag 14. april kl 18 er Siril Malmedal Hauge & Kjetil Mulelid klare for å gje deg ei mjuk jazzoppleving. Siril Malmedal Hauge – vokal Kjetil Mulelid – piano Hauge og Mulelid
Om arrangementet
Sundag 14. april kl 18 er Siril Malmedal Hauge & Kjetil Mulelid klare for å gje deg ei mjuk jazzoppleving.
Siril Malmedal Hauge – vokal
Kjetil Mulelid – piano
Hauge og Mulelid har verkeleg etablert seg i det norske musikkmiljøet dei siste åra. Med aktiv turnéring, Spellemann-nominasjon og lovprisa
albumutgjevingar fra verdsomspennande presse kvar for seg, har dei vist seg som ei sikker stemme for det 21. århundret i norsk musikkliv.
Hauge har markert seg med eigne utgjevingar, prisar frå Japan, nominasjon til Independent Music Award i New York og turnéar i store delar av verda – som Europa, Japan og Sør-Korea.
Mulelid har på si side gitt ut fleire album med egen pianotrio, som soloartist og med kvartetten Wako. Dette har ført til hundrevis konsertar i Europa og Japan, og millionar av avspelingar verda over.
No er Hauge og Mulelid saman som duo og byr på ei blanding av originale låtar og nye versjonar av kjente coverlåtar.
Musikken ber preg av Hauge si klare og uttrykksfulle stemme og Mulelid sitt finurlege pianospel. Dette er musikk i eit iøyrefallande landskap, men med ein god dose motstand og overraskingar som tar lyttaren med inn i deira musikalske univers.
I 2023 kom debutplata deira Blues and Bells som fekk strålande anmeldingar frå presse i inn- og utland.
Nettsider for utøvarane:
>>> Kjetil Mulelid
>>> Siril M. Hauge
Tid
14. April 2024 18:00(GMT+00:00)
Billettsal på nett
Program
lau10mai11:0017:00LOV OM LANDLandslovutstillinga
Om arrangementet
Om utstillinga I 2024 var det 750 år siden Magnus Lagabøte gav Landslova av 1274 – ei juridisk storhending som skal vart markert og jubilert over heile landet! Landslova sto stå seg
Om arrangementet
Om utstillinga
I 2024 var det 750 år siden Magnus Lagabøte gav Landslova av 1274 – ei juridisk storhending som skal vart markert og jubilert over heile landet!
Landslova sto stå seg i kring 400 år, og kan hende er det først no me byrjar å verkeleg forstå i kva grad dette lovverket har forma landet vårt.
I Agatunet, kor me har historie tett knytt til lova og perioden, sette me i 2024 opp utstillinga “Lov om land” – ei utstilling som tek for seg viktige eigedomstilhøve i Landslova.
Utstillinga har fokus på odel, jordskifte og frukthager – emne som både då og no var viktige for regionen vår, og for menneske som held i hevd landeigedom her.
Utstillinga syner og, gjennom døme frå diplomatariet, korleis lova vart nytta i praksis, og slik direkte påverka folk sitt liv.
Utstillinga har eigne tekstar retta mot barn, aktivitetselement, og vert ståande i Agatunet og utover jubileumsåret.
Agatunet var på den tida lova vart gjeve heim til riddaren og lagmannen Sigurd Brynjulvsson, som sette rett her, og dømte etter Landslova medan ho enno var ny.
Lagmannsstova her i tunet er det eldste ivaretekne rettslokalet me har i Noreg, og utstillinga står i ein autentiske mellomalderkjellar under gildehallen.
Der får du og sjå ein replika av det eldste fullstendige rettsdokumentet i norske arkiv, Bleiediplomet. Diplomet er eit forlik i ein konflikt mellom bønder på Indre og Ytre Bleie, og løysinga lagmannen fekk skreven ned i dette diplomet var overhalde på Bleie i mange hundre år. Du kan og sjå ei moderne utgåve av lovboka.
Fagkonsulenter for utstillinga er Jørn Øyrehagen Sunde, professor i rettshistorie ved Universitetet i Oslo, og Lars August Hafting Kvestad, førstelektor ved Institutt for bygg-, miljø- og naturvitskap ved Høgskulen på Vestlandet.
lau31mai11:00sun31aug17:00Kulturskule- utstillinga 2025Unge og lovande!
Om arrangementet
Kvart år set me opp ei utstilling laga av elevar på kunstfag i Ullensvang kulturskule. Utstillinga finn du i kjellaren i Johansstova. Elevane jobber med stor variasjon gjennom skuleåret, og utstillinga
Om arrangementet
Kvart år set me opp ei utstilling laga av elevar på kunstfag i Ullensvang kulturskule. Utstillinga finn du i kjellaren i Johansstova.
Elevane jobber med stor variasjon gjennom skuleåret, og utstillinga representerar denne breidda – ein får sjå alt frå raske skisser (croquis og bilndteikning) frå teikneøvingar, til meir forseggjorte arbeid som har vakse fram over tid.
Elevane vel sjøl ut nokre verk som skal inngå, og kunstfaglærar Johild Mæland syter for god representasjon og monterar utstillinga.
Det har i år vore 40 elevar fordelt på seks undervisnningsgrupper, ei i Jondal , ei på Hauso og fire grupper i Odda. Spennet i alder er stort, frå småskule til vaksne elevar.
Felles for alle gruppane er at dei ein periode såg på folkekunst, der ein spesielt undersøkte ulike stilretningar innan rosemaling.
Hardanger spillfestival inviterte kunstfag til å lage illustrasjonar, i form av spelkort i eit gjeve format, til presentasjon av dei ulike spela på festivalen. Til samen vart det laga 43 fine små teikningar.
Elevane dreg kvart år på ei ekskursjon og gjer feltarbeid – i år var dei på Baroniet i Rosendal, midt under bløminga!
Utstillinga i år syner både teikning, spillkort, rosemålingsstuder, og maleri. I tillegg vil ein også visa nokre tredimensjonale arbeid, i form av skulpturar.
Utstillinga opnast laurdag 31.mai (sjå eigen programpost om opningsarrangementet), og vert dei fyrste vekene tilgjengeleg laurdag og sundag frå 11-17.
Frå mandag 16.6 til sundag 31.8 er ho open kvar dag 11-17.
Utstillinga inngår i ordinær billett.