Diktardagen
lau11jun15:00Diktardagenog konsert
Om arrangementet
Steinar Opstad får Diktartavla 2022 Haugesenteret og Hardanger folkemuseum heidrar ein av våre fremste poetar Steinar Opstad med ein plass på den vakre Diktarstien i Hardanger. Prisutdelinga finn stad på Utne
Om arrangementet
Steinar Opstad får Diktartavla 2022
Haugesenteret og Hardanger folkemuseum heidrar ein av våre fremste poetar Steinar Opstad med ein plass på den vakre Diktarstien i Hardanger. Prisutdelinga finn stad på Utne laurdag 11. juni.
Steinar Opstad har gitt ut ti diktsamlingar sidan han debuterte med Tavler og bud i 1996. Familierelasjonar, einsemd og lengt er tema som opptek Opstad. Bibelske og eksistensiell motiv står òg sentralt i diktinga hans. – Steinar Opstad sin poesi er på same tid søkande og jordnær.Han viser oss nye måtar å sjå og erfara verda på, seier Geir S. Netland, arenaleiar ved Haugesenteret. I eit essay skriv Opstad: «Den poeten som ikke har gjort seg skyldig i at en verdensanskuelse blir synlig, har heller ikke gjort jobben».
Diktarstien på Hardanger folkemuseum
Diktarstien er ein vakker hellegang med 31 diktartavler som prydar det flotte museumstunet ved Hardanger folkemuseum på Utne. Opstad går inn i rekkja av markante diktarar som har fått Diktartavla, blant dei Olav H. Hauge, Halldis Moren Vesaas, Jan Erik Vold, Kolbein Falkeid, Eldrid Lunden, Jon Fosse, Cecilie Løveid, Paal-Helge Haugen og Øyvind Rimbereid.
Under prisutdelinga ved Hardanger folkemuseum vil Opstad framføre utvalde verselinjer, og samtale om diktinga si saman med Stein Arnold Hevrøy, konservator i Nynorsk kultursentrum. Etter den litterære samtalen blir det konsert med Elisabeth Vatn og Anders Røine.
Multiinstrumentalist og komponist Elisabeth Vatn er utdanna pianist, pedagog og etnomusikolog. Ho spelar også klarinettar og orgel, og er ein av få utøvarar på svensk/nordisk sekkepipe. Vatn arbeider på tvers av sjangrar, med inspirasjon frå både klassisk, improvisert og rytmisk musikk, så vel som folkemusikk og verdsmusikk. Ho har samarbeidd med mange ulike utøvarar og har ei rekkje utgjevingar og konsertproduksjonar bak seg med ulike konstellasjonar. Vatn komponerer også musikk til eigne ensemble.
Anders Røine er folkemusikar og komponist, og trakterer både munnharpe, langeleik, hardingfele, seljefløyte, lur, mandolin, banjo og gitar. Røine er sentral i mange ulike grupper og prosjekt, mellom andre Sudan Dudan, Røine/Warg, Kristine Valdresdatter og Reolo. Han har vunne landskappleiken på munnharpe fleire gonger, og har henta ei rekkje prisar for utgjevingane sine.
Foto: Rolf M. Aagaard, Kolon Forlag
Konsertane på Hardanger folkemuseum vert arrangerte i samarbeid med Hardanger folkemusikksamling og med støtte frå Norsk kulturråd.
Tid
11. juni 2022 15:00(GMT+00:00)
Billettsal på nett
Sjå arrangementet på Facebook
Program
lau31mai11:00sun31aug17:00Kulturskule- utstillinga 2025Unge og lovande!
Om arrangementet
Kvart år set me opp ei utstilling laga av elevar på kunstfag i Ullensvang kulturskule. Utstillinga finn du i kjellaren i Johansstova. Elevane jobber med stor variasjon gjennom skuleåret, og utstillinga
Om arrangementet
Kvart år set me opp ei utstilling laga av elevar på kunstfag i Ullensvang kulturskule. Utstillinga finn du i kjellaren i Johansstova.
Elevane jobber med stor variasjon gjennom skuleåret, og utstillinga representerar denne breidda – ein får sjå alt frå raske skisser (croquis og bilndteikning) frå teikneøvingar, til meir forseggjorte arbeid som har vakse fram over tid.
Elevane vel sjøl ut nokre verk som skal inngå, og kunstfaglærar Johild Mæland syter for god representasjon og monterar utstillinga.
Det har i år vore 40 elevar fordelt på seks undervisnningsgrupper, ei i Jondal , ei på Hauso og fire grupper i Odda. Spennet i alder er stort, frå småskule til vaksne elevar.
Felles for alle gruppane er at dei ein periode såg på folkekunst, der ein spesielt undersøkte ulike stilretningar innan rosemaling.
Hardanger spillfestival inviterte kunstfag til å lage illustrasjonar, i form av spelkort i eit gjeve format, til presentasjon av dei ulike spela på festivalen. Til samen vart det laga 43 fine små teikningar.
Elevane dreg kvart år på ei ekskursjon og gjer feltarbeid – i år var dei på Baroniet i Rosendal, midt under bløminga!
Utstillinga i år syner både teikning, spillkort, rosemålingsstuder, og maleri. I tillegg vil ein også visa nokre tredimensjonale arbeid, i form av skulpturar.
Utstillinga opnast laurdag 31.mai (sjå eigen programpost om opningsarrangementet), og vert dei fyrste vekene tilgjengeleg laurdag og sundag frå 11-17.
Frå mandag 16.6 til sundag 31.8 er ho open kvar dag 11-17.
Utstillinga inngår i ordinær billett.