ÅSMUND FREDGJAGJEVA - INGEBJØRG LOGNVIK REINHOLDT
fre28okt19:0020:00ÅSMUND FREDGJAGJEVA - INGEBJØRG LOGNVIK REINHOLDTForteljarkonsert
Om arrangementet
Åsmund Fregdagjeva – ein forteljarkonsert om heltar og skurkar frå norrøn tid. Kvifor blir vi så fascinert av helteforteljingane? Kva er det som gjer at så langt tilbake vi veit, har
Om arrangementet
Åsmund Fregdagjeva – ein forteljarkonsert om heltar og skurkar frå norrøn tid.
Kvifor blir vi så fascinert av helteforteljingane? Kva er det som gjer at så langt tilbake vi veit, har vi elska historiar om dei som tør å gå inn i det ukjende, som blandar mot og kløkt og kjemper mot noko mørkt og mektig for å vinne stort?
Aasmund Fregdegjeva («den som gir mot») er ei av desse historiane. Mellomalderballaden har trekk heilt tilbake til norrøn mytologi, og er skrive ned i heile 63 vers. Der folkesongarar flest kuttar historia ned til ein brøkdel for å få songen inn i ein vanleg konsertsetting, har Ingebjørg Lognvik Reinholdt lyst å fortelje deg heile den dramatiske historia med alle sine karakterar, magi og tvistar.
Ingebjørg blandar forteljarkunst og kvedarkunst i denne soloforestillinga, der ho tek deg med inn i ei anna tid, med helten som seglar over havet for å redde jomfrua og kjempe mot gygrer og all slags magiske skapningar.
Forteljinga blir fortald syngjande. levande bilete i bakgrunnen er med på å skapa stemning. Du får vere med på Aasmund si reise ut på havet, inn i Trollebotn, møtet med den fryktelige Skomegygri og korleis det heile går.
Du får også eit program med ei lita innføring i mellomalderballaden, som du kan ta med deg heim.
Konserten høver for vaksne og ungdommar.
BILLETTAR SELGJAST I KAFÉEN PÅ FØREHAND – 250/225 kr.
VELKOMNE TIL EI FLOTT OPPLEVING I LAGMANNSSTOVA
Forestillinga er støtta av: Norsk Kulturfond, FFUK, Creos Vederlagsfond
Visuals/bakgrunnsfilm: Henrik Koppen
Regi: Aslak Moe
Tekst: Trad. frå Landstads Norske Folkeviser/ Ingebjørg Lognvik Reinholdt
Musikk: trad.
Kveding og forteljing: Ingebjørg Lognvik Reinholdt
Dei involverte:
Ingebjørg Lognvik Reinholdt er ein allsidig kvedar kjent for si varme stemme og utprega stilkjensle, sin rike kunnskap om tradisjonen og kulturhistoria vår, og si forteljarevne. Ho har laga forestillinga «Guro Heddelid» for Riksscenen, turnert for store og små med vokalduoen Fivil, og vore utøvande kvedar sidan 9-årsalderen.
I 2019 laga ho bestillingsverket «Brokete Lauv» for solo kveding for Telemarkfestivalen. Ingebjørg er også aktuell med vokaltrioen Aurom og med ensemblekonserten «Burns på dialekt» med Aasmund Nordstoga og den skotske felespelaren Sarah Jane Summers. På Marispelet er ho i år på tredje året som syngjande forteljar. Soloplata «Klokkur som ringjer deg heim», med tradisjonssongar frå Seljord, kom ut i 2020 på plateselskapet Talik.
Aslak Moe er regissør, dramatikar og dramaturg som har som spesialitet soloframsyningar og musikkteater. Han har tidlegare hatt suksess med framsyningane 0+0=4 (Teater Vestland/Det Norske Teatret), Fire Begravelser og et Bryllup (Teater Ibsen/Riksteatret), Nesten Ikke Helt Som Før med Susanne Lundeng (Riksscenen) og Min Kenneth (Det Vestnorske Teatret). Aslak er også kunstnarleg leiar av Fortellerfestivalen.
Program
lau10mai11:0017:00LOV OM LANDLandslovutstillinga
Om arrangementet
Om utstillinga I 2024 var det 750 år siden Magnus Lagabøte gav Landslova av 1274 – ei juridisk storhending som skal vart markert og jubilert over heile landet! Landslova sto stå seg
Om arrangementet
Om utstillinga
I 2024 var det 750 år siden Magnus Lagabøte gav Landslova av 1274 – ei juridisk storhending som skal vart markert og jubilert over heile landet!
Landslova sto stå seg i kring 400 år, og kan hende er det først no me byrjar å verkeleg forstå i kva grad dette lovverket har forma landet vårt.
I Agatunet, kor me har historie tett knytt til lova og perioden, sette me i 2024 opp utstillinga “Lov om land” – ei utstilling som tek for seg viktige eigedomstilhøve i Landslova.
Utstillinga har fokus på odel, jordskifte og frukthager – emne som både då og no var viktige for regionen vår, og for menneske som held i hevd landeigedom her.
Utstillinga syner og, gjennom døme frå diplomatariet, korleis lova vart nytta i praksis, og slik direkte påverka folk sitt liv.
Utstillinga har eigne tekstar retta mot barn, aktivitetselement, og vert ståande i Agatunet og utover jubileumsåret.
Agatunet var på den tida lova vart gjeve heim til riddaren og lagmannen Sigurd Brynjulvsson, som sette rett her, og dømte etter Landslova medan ho enno var ny.
Lagmannsstova her i tunet er det eldste ivaretekne rettslokalet me har i Noreg, og utstillinga står i ein autentiske mellomalderkjellar under gildehallen.
Der får du og sjå ein replika av det eldste fullstendige rettsdokumentet i norske arkiv, Bleiediplomet. Diplomet er eit forlik i ein konflikt mellom bønder på Indre og Ytre Bleie, og løysinga lagmannen fekk skreven ned i dette diplomet var overhalde på Bleie i mange hundre år. Du kan og sjå ei moderne utgåve av lovboka.
Fagkonsulenter for utstillinga er Jørn Øyrehagen Sunde, professor i rettshistorie ved Universitetet i Oslo, og Lars August Hafting Kvestad, førstelektor ved Institutt for bygg-, miljø- og naturvitskap ved Høgskulen på Vestlandet.
lau31mai11:00sun31aug17:00Kulturskule- utstillinga 2025Unge og lovande!
Om arrangementet
Kvart år set me opp ei utstilling laga av elevar på kunstfag i Ullensvang kulturskule. Utstillinga finn du i kjellaren i Johansstova. Elevane jobber med stor variasjon gjennom skuleåret, og utstillinga
Om arrangementet
Kvart år set me opp ei utstilling laga av elevar på kunstfag i Ullensvang kulturskule. Utstillinga finn du i kjellaren i Johansstova.
Elevane jobber med stor variasjon gjennom skuleåret, og utstillinga representerar denne breidda – ein får sjå alt frå raske skisser (croquis og bilndteikning) frå teikneøvingar, til meir forseggjorte arbeid som har vakse fram over tid.
Elevane vel sjøl ut nokre verk som skal inngå, og kunstfaglærar Johild Mæland syter for god representasjon og monterar utstillinga.
Det har i år vore 40 elevar fordelt på seks undervisnningsgrupper, ei i Jondal , ei på Hauso og fire grupper i Odda. Spennet i alder er stort, frå småskule til vaksne elevar.
Felles for alle gruppane er at dei ein periode såg på folkekunst, der ein spesielt undersøkte ulike stilretningar innan rosemaling.
Hardanger spillfestival inviterte kunstfag til å lage illustrasjonar, i form av spelkort i eit gjeve format, til presentasjon av dei ulike spela på festivalen. Til samen vart det laga 43 fine små teikningar.
Elevane dreg kvart år på ei ekskursjon og gjer feltarbeid – i år var dei på Baroniet i Rosendal, midt under bløminga!
Utstillinga i år syner både teikning, spillkort, rosemålingsstuder, og maleri. I tillegg vil ein også visa nokre tredimensjonale arbeid, i form av skulpturar.
Utstillinga opnast laurdag 31.mai (sjå eigen programpost om opningsarrangementet), og vert dei fyrste vekene tilgjengeleg laurdag og sundag frå 11-17.
Frå mandag 16.6 til sundag 31.8 er ho open kvar dag 11-17.
Utstillinga inngår i ordinær billett.