Hausten 2023 kan du oppleva ein installasjon av Amber Ablett i foajeen i Kabuso.
Installasjonen er sett saman av foto og tankekart, utdrag frå samtalar, bibliotek med bøker og essays, samt eit miljø for ro og avslapping.
Opplev utstillinga i perioden 7. oktober- 26. november 2023

Om prosjektet Hvileåret: Hvile, vekst og aktivisme
Prosjektet er eit fleirårig, deltakande og kunstnarisk forskingsprosjekt leia av kunstnaren Amber Ablett. Prosjektet vart bestilt av Kunsthuset Kabuso og utvikla for Storeteigen bygdetun som ein stad for samling, felleskap, undersøking og kvile. Som forskingsprosjekt har Hvileåret sett søkelys på kvile innafor aktivisme, frigjering og sosialt arbeid og lagt til rette for workshops, lengre opphald for fagpersonar og kollektiv tenking.

Kvile vert ei handling av motstand i eit samfunn som kontant ignorerer, avviser, bagatelliserar og undertrykker erfaringar menneske har. For dei som kjempar for sin eksistens, er opplevinga av å bli overvelda og utmatta gjerne noko som gjer berekraftig handling umogleg.

Medforskarar i prosjektet: 
Ro Averin (ho/henne), Equity and Social Justice Educator, konsulent og skribent
Eva Rowson (ho/henne), kunstnar, kurator og dagleg leiar i Bergen Kjøtt
Isak Bradley (han/han), kunstnar og styreleiar i Pasientorganisasjonene for kjønnsinkongruens
Vikram Kolmanskog (han/han), skribent, formidlar og professor i gestaltpsykoterapi

>>> Sjå nettsida til kunstnaren

Velkomen til ein torsdagskveld det svingar skikkeleg av – i konsertsalen i Kabuso 2. november kl 20!

Stian Carstensen – trekkspel og steel gitar
Staffan William Olsson– gitar
Asle Røe– gitar
Finn Guttormsen – bass
Jarle Vespestad– trommer

Best Western Swing er fem musikarar foreina i kjærleik til western swing, hestejazz, bææ-bop og andre rurale uttrykk for jazzifisert dansemusikk frå dei amerikanske sørstatane (t.d. Bob Wills, Spade Cooley, Jimmy Bryant/Speedy West og Hank Garland). I eit vidare perspektiv kan ein kalla det ”instrumental elektrisk americana”.

BWS (som på ingen måte er ortodokse museumsvoktarar) er leia av Asle Røe, opprinneleg frå Otrøya i Molde kommune – men med tolv år som profesjonell gitarist i Houston, Texas.
Med på laget er 60% av Farmers Market: Stian Carstensen på steelgitar og trekkspel, Finn Guttormsen på bass og Jarle Vespestad på trommer, samt gitarist Staffan William-Olsson frå The Real Thing.
Antall strenger totalt: 36.

Den unike vandreutstillinga Hovudplagg og hårmote i folkedrakt og bundbruk opnar på Hardanger folkemuseum 5. november kl 16.30. Utstillinga syner tradisjonelle hovudplagg frå mange stader i Noreg, slik dei var nytta på 1700 og 1800-tallet og vert brukt til bunad i dag. Nærare 100 ulike hovudplagg er med. Hardanger folkemuseum er første og einaste visningsstad for denne utstillinga i Hordaland.

Pikahuva, linhatt, pålalue, hette, perlekrans, skaut og båthatt. Variasjonen og kreativiteten har vore stor, både i nemning og utsjånad. Over heile landet var hovudplagget ein svært viktig del av den tradisjonelle draktskikken. Kleda synte kven ein var, og kor ein kom frå, kva anledning ein var kledd for, og kva status ein hadde. Særleg viktig var skiljet mellom gift og ugift, og i det fleste område var det hovudplagget som synte dette. Dei staselegaste hovudplagga var det den gifte kvinna som hadde, sett bort frå dei utruleg vakre brurekrunene som brura bar på brudlaupsdagen. Somme stader var det og eigne hovudplagg for ugifte mødrer, og for peparmøyer, jenter som hadde vorte 30 år utan å gifta seg.

Det er Norsk folkedraktforum som står bak vandreutstillinga, som ein del av arbeidet med å få bunadbruk i Noreg inn på Unesco si liste over representativ immateriell kulturarv. Nff er ei landsomfattande organisasjon som arbeider med bunader forankra i tradisjonell draktskikk. Det er medlemmene i Nff som har laga dei vel 70 plagga som føl med utstillinga. I tillegg er utstillinga supplert med kring 30 hovudplagg frå Hardanger, Voss, Fana, Øygarden, Tysnes og andre stader i Hordaland. Utstillinga har og ein skautfellingsverkstad der ein kan sjå korleis ein lagar koneskaut til hardangerbunaden.

Utstillinga vert opna sundag 5. november kl 16.30. Hanne Yndestad frå Nff fortel om prosjektet som ligg bak utstillinga. Bunadstilvirkar Oli Lilletveit fortel om nokre av hovudplagga frå Hordaland, og Agnete Sivertsen fortel om skautfelling og om hardangerskautet. Kafeen er ope frå kl 15.

Foto: Elisabeth Emmerhoff

Sjå meir om prosjektet her http://norskfolkedraktforum.no/prosjekter-1#/new-page-55

Sundagskvelden 12. november kl 18 byr Kabuso på Christian Wallumrød ensemble (CWE)

Christian Wallumrød – piano
Eivind Lønning – trompet
Espen Reinertsen – saksofon
Tove Törngren – cello
Per Oddvar Johansen – trommer, vibrafon

CWE debuterte på Kongsberg jazzfestival i 2022 og har sidan spelt nærare 200 konsertar i Noreg og elles i Europa, pluss USA Canada og Japan.

Wallumrød sitt mangeårige samarbeid med produsent Manfred Eicher har resultert i 5 utgjevingar med CWE på ECM Records. Albumet Outstairs vart heidra med ein ein Spellemannspris. Ensemblet har også gitt ut albuma Kurzam and Fulger (2016) og Many (2020, nominert til Spellemannpris) på Hubro Music. Samtlege album har vorte møtt med stor entusiasme blant kritikarane og publikum kring i verda. Fleire av utgjevingane har også havna på ulike årsbeste-lister i nasjonale og internasjonale media.

«Jeg vet knapt om noen som har tilført norsk musikkliv mer nyskapt særpreg enn Christian Wallumrød de siste tiårene»
Arild R. Andersen, Aftenposten
«The album is a masterpiece, by one of the most important living improvisers and composers» 
Andy Hamilton, Jazz Journal (om albumet Many) 

>> Nettsida til Wallumrød

Gabriel Fliflet stiller med eit stjernelag av musikarar – kjende frå mellom anna Real Ones – i Kabuso torsdag 16. november kl 19

Gabriel Fliflet (trekkspel, vokal)
David Chelsom Vogt (fele, vokal)
Kristoffer Chelsom Vogt (kontrabass, vokal)
Jørgen Sandvik (gitar, vokal)

Om Novgorod:
«Det er på tide at noen leverer musikken som dufter av solbelyste tømmervegger og syder av tjern og myrer. Det er på tide at noen gir oss musikken fra lave trebyer ved Østersjøen, fra hodeløse vodkafester med saltagurk, honning og smetana i etterkrigstidens nye lavblokker.
Noen må nå komme med den fyrrige musikken som rant ut fra cabaretlokalet, som fløt opp fra dansebanen ved elven, og valsene, verdens vakreste…
Novgorod vil hente fram denne musikken: Musikken som er russisk, finsk, jødisk, nordsvensk, sigøynsk. Moll-dominert og melankolsk. Vill og vital!»

På konsert med Novgorod kan du få høyra originale tolkingar av hardtsvingande finsk humppa, jiddisk tango og lengtnadsfulle valsar, nordsvensk swing (med kosakktrinn) og lærerike songar på tysk av Bertold Brecht/Kurt Weill. Med innleving og temperament og kraftfull firstemt song. På eit utal språk.

Novgorod vart danna i 2003 og har m.a. spelt på Festspillene i Bergen, Nattjazz, VossaJazz, Balkanfest, Litteratursymposiet i Odda, Hardingtonar, Columbi Egg og Riksscenen – og i Kabuso.

Gabriel Fliflet er vaksen opp til lyden av svensk, finsk og norsk song. Kåra til årets folkemusikar i 2011. Mange kjenner Fliflet frå samarbeidet med trommeslagar Ole Hamre i dueon Fliflet/Hamre. I denne samanhengen ausar han av kjennskapen sin til etnisk populærmusikk frå sitt finske fødeland, sigøynarmusikk m.m.

David Chelsom Vogt og Jørgen Sandvik har spela saman sidan dei var små. Best kjend er dei frå bandet Real Ones, som starta med irsk og britisk folkemusikk og etterkvart utvikla sin eigen fengande pop-stil med impulsar frå eit utal etniske tradisjonar. Kritikaryndlingar, bylarmprisen 2007, Spellemannsprisen 2013.
Prisløna Kristoffer Chelsom Vogt deltek med storebror David i nyskapande Kniv og Taffel Swingjazzorkester og med Gabriel Fliflet  i bl.a. verket Åresong. Både Kristoffer Vogt og Jørgen Sandvik var sentrale i Fliflet sitt bestillingsverk til Vossajazz 2013 – Valseria.

Frå pressa:

”En opplevelse man sent vil glemme… Disse guttene har spilleglede i høysetet.” (Fanaposten)

”Alle lar seg begeistre av denne humørfylte kvartetten” (Bergens Tidende)

«Macho er tilbake. Etter ein time med finske tømmerfløytarsongar og annan djuprøysta, melankolsk musikk vandra vi ut lett øsne. Ikkje visste vi at musikk frå våre austlege naboland kunne vere så macho! Mannenmannen har vore ute i minst tre tiår, men om Novgorod gjer det stort – som dei burde, er han på veg inn igjen.”
(Lesarinnlegg av journalist Katrine Sele i bladet Folkemusikk )

Opplev ei unik besetning med fiolin, saksofon og piano i konsertsalen i Kabuso laurdag 18. november kl 16! Ensemble EON presenterar Mellom – eit unikt konsertprogram som drar lyttaren inn i ei ny klangleg verd.

Mara Haugen, fiolin
Morten Norheim, saksofonar
Martha Berit Belt, piano

Musikken er skrive av nolevande komponistar som har sterk tilknyting til Noreg, og utforskar det som oppstår i og mellom svært varierte musikkuttrykk.
Nyskrivne komposisjonar frå Francisco Cortney og Emiliano Ortiz, begge tidlegare studentar ved Griegakademiet, gjev innblikk i eit utforskande lydlandskap med sterke tilknytingare i høvesvis Argentina og Mexico.

Publikum vil også få oppleva verk av Sverre Idris Joner og Marius Neset, kor musikken spenner vidt med energifylte rytmar, dansande samspel og lyriske melodiar, som tidvis utforskar eit meir moderne og eksperimentelt uttrykk.
Hovudverket er Ståle Kleiberg sin  Piano trio no. 2, kor introduksjonen av saksofon gjev den klassiske trioen nye og spanande fargar.

Film: Bernard og Bianca. 1 t 16 min. Alle
Teiknestund etter filmen

Om filmen: To små mus skal redde foreldrelause Penny frå fangenskap hos Madam Medusa og to glupske krokodillar.

Inga påmelding. Medlemsskap i klubben kostar 90 kroner per barn og gir gratis inngang til alle arrangementa hausten 2023. Vaksne går gratis på filmane i følge med barn.

Bornas Kabuso er ein kunst- og filmklubb for alle born. Her viser me mellom anna animasjonsfilm og byr på kreative verkstadar. Verkstadane vert stort sett til i samarbeid med Kunstnarhuset Messen.

Nokre av arrangementa i Kabuso kjem til gjennom utleige.
I slike tilfelle sel ikkje Kabuso billettar, då dette vert teke hand om av ein ekstern arrangør. I tilfelle der arrangøren sel billettar på nett finn du ein link i lista her:

• Sundag 26. nov: Julekonsert med Hardanger Big Band

_____

• Saknar du info i lista? Send gjerne link til info til post@kabuso.no
• Ynskjer du å arrangera noko på huset? Ta kontakt med utleigeansvarleg Stig: stig@kabuso.no / 917 22 857

Bli med på Kunstbar Verkstad med «vår eigen» Tord Torpe – fredag 24. november kl 19!

I verkstaden kjem fokus til å vera på lågterskel, uhøgtidleg teikneglede.
Me skal truleg bruka fantasien meir enn augene, sjølv om augene òg lyt nyttast.
Me skal teikna kvar for oss og saman på same tid.
Me siktar mot morosame og uventa resultat: ein latter forlenger livet.
Me får alle med oss kvar vår teikning heim som me stolte kan visa til mor og far.

Kunstbar Verkstad er ei fagleg stund med kunstnarar frå haustens utstilling; Handboren og veggfast.
Teikning og illustrasjon er tema.

Andre arrangement i serien:
Imi Maufe – 8. desember

Open kafe / bar

2 gongar i døgeret, 365 dagar i året:
Lysverket Hardanger Skyspace av den amerikanske kunstnaren James Turrell er tilgjengeleg for lysvisningar to gongar i døgeret:
Kring soloppgang eller solnedgang – du vel etter eige ynskje.

Slik gjer du det:

• Kjøp billettar på nett – her ligg også dei aktuell tidspunkta
• Møt opp i resepsjonen på Hardangerfjord hotell like før oppgitt tidspunkt. Der vil du få utlevert nøkkel og eit infoskriv om lysverket. Adresse: Hardangerfjordvegen 613, Øystese
• Du låser sjølv opp lysverket like ved (50 meter frå resepsjonen). Set/legg deg til rette og nyt. Adresse: Hardangerfjordvegen 619, Øystese

Praktisk info:

• Kle deg som for å vera ute
• Du får låna pledd og sitjeunderlag. Ha gjerne med nakkepute om ynskjeleg.
• Etter visning: Døra har smekklås – du lukkar deg ut sjølv og leverer nøkkelen til hotellet.
• Det er elles mogeleg å vitja Hardanger Skyspace i Kabuso si opningstid (utan lysvisning) med gyldig utstillingsbillett.
  

  >> Billettar og tidspunkt finn du her