Utstillingar

I Agatunet har me kvar sesong nye utstillingar. Som fast utstilling står for tida landslovutstillinga LOV OM LAND. Den frivillige kunstgruppa vår har gjennom meir enn 30 år lagt ned eit stort og flott arbeid med å finna interessante, flotte kunstnare, og kuraterar kvart år spanande kunstutstillingar. I år er utstillinga – i samband med at me markerar at Lagmannsstova er 800 år –  ein presentasjon av foto som vart tekne av Elisabeth Emmerhoff i samband med eit hefte om Lagmannsstova som gruppa har vore redaktør for, i lag med arbeider av arkitekten Georg Fr. Fasting, som museet har valt ut.

I tillegg har me ei barne- og ungdomsutstilling. Me inviterar Kulturskulen i Ullensvang sine kunstfagelevar elevar til å laga utstilling av arbeida dei har laga gjennom skuleåret.

Aga barnehage lagar kvart år ei utstilling som monterast i Jakobsbua, og som veks fram i samarbeid med vår formidlar. I år er temaet Lagmannsstova og riddar Sigurd.

På loftet i Asbjørnsløa heng ei plakatutstilling som syner fram heile historia til kunstutstillingaene i tunet.

Utstillingar i 2025 – WIP

I Agatunet heng og mange flotte gamle bilete frå livet i tunet, og mange av Georg Fredrik Fasting sine akvareller frå Agatunet.

Du finn og mange flotte gjenstander, både husgeråd og landbruksreiskap og verkty.

NB! Vår tidlegare faste draktutstilling – Gåva frå mor, som er ei samling plagg og gjenstandar frå same familie – fem generasjonar sine folkedraktar og bunadar, er no i naudsynt kvile  av omsyn til tekstilane. Ei tekstilfagleg vurdering av gjenstandane og utstillingstilhøva skal gjerast før vidare framsyning.