Ingrid Standal Sørheim

I sommar vert det pop up konsertar med Ingrid Standal Sørheim (toradar) i/ved/nær Kunsthuset Kabuso kvar måndag-fredag i juli.
Konsertane vil finna stad på ulike stader og rom i Kabuso, Ingebrigt Vik museum, Hardanger Skyspace, inne og ute….

Oppmøte:
I resepsjonen på Kabuso (om ikkje anna er nemnd)

____________

Om Ingrid Standal Sørheim:
Ingrid går til hausten inn i sitt fjerde år som folkemusikkstudent ved Ole Bull Akademiet på Voss.
Når ho ikkje blandar norsk og britisk tradisjonsmusikk i trioen sin Vesterveg, fordjupar ho seg i heimtradisjonen frå Hardanger.
Med ein forkjærleik for lydarslåttar og spreke springarar overfører ho slåttar frå hardingfele til durspel, og entusiasmen og musikkgleda hennar skin gjennom einkvar melodi ho rører ved.
Trass sin unge alder hevdar ho seg allereie i toppen av durspelklassa på Landskappleiken og er ettertrakta som både konsertspelar og instruktør på Vestlandet

Gå ikkje glipp av ein eller fleire av hennar pop up konsertar i Kabuso denne sommaren!

Konsertane vert gjennomført i samarbeid med hardingfela.no
I tillegg til Kabuso, spelar Ingrid ved Steinsdalsfossen kl 11 og på Hardanger fartøyvernsenter klokka 15.
_____

Pris: Gratis på inngangsbilletten i Kabuso (kr 100,- / 55,- / gratis under 16 år)

Legg du ut film eller bilde på sosiale medier?
Merk oss gjerne med ein eller fleire av fylgjande emneknaggar: #popupkabuso #Kabuso #Kunsthusekabuso #IngebrigtVikmuseum #IVM #HardangerSkyspace #Skyspace