Majorstuen - Skrible
sun20okt18:00Majorstuen - SkribleFolkemusikk
Om arrangementet
Synnøve S. Bjørset – fele Tove Hagen – fele, bratsj og cello Jorun Marie Kvernberg – fele Anders Löfberg – fele og cello Bjørn Kåre Odde –
Om arrangementet
Synnøve S. Bjørset – fele
Tove Hagen – fele, bratsj og cello
Jorun Marie Kvernberg – fele
Anders Löfberg – fele og cello
Bjørn Kåre Odde – fele og bratsj
Det er ikkje ofte Morgan Kane, Kristin Lavransdatter, Per Waglen og Lensmann Geissler vert nemnde i ei og same setning. Men då dei fem musikarane og komponistane i Majorstuen blei utfordra til å bruka litteratur som inspirasjon for ny musikk, bestemte dei seg for å bruka heile spennet frå moderne underholdningslitteratur til klassiske verk som utgangspunkt.
I SKRIBLE brukar Majorstuen sitt folkemusikalske fundament, sin fantasi og kreativitet til å kommentera, kontrastera og abstrahera dei mange aspekta ved litteraturen. Gjennom 17 år med musikalsk samarbeid har dei skapt sitt eige uttrykk, og med folkemusikkens estetikk i botn reiser dei i mange ulike musikalske landskap. Det heile vert likevel bunde saman av ensemblet si forfriskande og overraskande sceniske formidling.
Majorstuen har spelt nærare 300 konsertar i 30 land, og har gjennom sitt utforskande og leikande sceniske uttrykk sett ein ny standard for korleis folkemusikken kan formidlast til eit breitt publikum. Dei har gledd sitt publikum på alt frå den minste bygdepub i indre Romsdal til det største kulturhus i Paris, og dei er kjende for sin særeigne sound, sitt gode samspel og spelarglede. For debutplats ”Majorstuen” fekk dei Spellemannprisen – og seinare har heile seks plateutgjevingar fleire gongar sikra dei nominasjon til både denne og andre gjeve prisar.
I SKRIBLE tar Majorstuen deg med på ein litterær blåtur med spennande musikalske stoppestadar.
Tid
20. oktober 2019 18:00(GMT+00:00)
Program
lau31mai11:00sun31aug17:00Kulturskule- utstillinga 2025Unge og lovande!
Om arrangementet
Kvart år set me opp ei utstilling laga av elevar på kunstfag i Ullensvang kulturskule. Utstillinga finn du i kjellaren i Johansstova. Elevane jobber med stor variasjon gjennom skuleåret, og utstillinga
Om arrangementet
Kvart år set me opp ei utstilling laga av elevar på kunstfag i Ullensvang kulturskule. Utstillinga finn du i kjellaren i Johansstova.
Elevane jobber med stor variasjon gjennom skuleåret, og utstillinga representerar denne breidda – ein får sjå alt frå raske skisser (croquis og bilndteikning) frå teikneøvingar, til meir forseggjorte arbeid som har vakse fram over tid.
Elevane vel sjøl ut nokre verk som skal inngå, og kunstfaglærar Johild Mæland syter for god representasjon og monterar utstillinga.
Det har i år vore 40 elevar fordelt på seks undervisnningsgrupper, ei i Jondal , ei på Hauso og fire grupper i Odda. Spennet i alder er stort, frå småskule til vaksne elevar.
Felles for alle gruppane er at dei ein periode såg på folkekunst, der ein spesielt undersøkte ulike stilretningar innan rosemaling.
Hardanger spillfestival inviterte kunstfag til å lage illustrasjonar, i form av spelkort i eit gjeve format, til presentasjon av dei ulike spela på festivalen. Til samen vart det laga 43 fine små teikningar.
Elevane dreg kvart år på ei ekskursjon og gjer feltarbeid – i år var dei på Baroniet i Rosendal, midt under bløminga!
Utstillinga i år syner både teikning, spillkort, rosemålingsstuder, og maleri. I tillegg vil ein også visa nokre tredimensjonale arbeid, i form av skulpturar.
Utstillinga opnast laurdag 31.mai (sjå eigen programpost om opningsarrangementet), og vert dei fyrste vekene tilgjengeleg laurdag og sundag frå 11-17.
Frå mandag 16.6 til sundag 31.8 er ho open kvar dag 11-17.
Utstillinga inngår i ordinær billett.