Kunstutstillinga 2024
lau11maisun01sepKunstutstillinga 2024Anne Hesvik og Bas Vlam
![Eit kunstverk som synar ei dekorert forstavn av eit vikingskip på kvit bakgrunn. Fargane er gyldne og turkise, og rosemålingsaktige krusninger står om baugen.](https://agatunet.no/wp-content/uploads/2024/01/Di-reise-scaled.jpg)
Om arrangementet
Me gler oss til å invitera dykk til Kunstutstillinga 2024, med biletkunstnar Anne Hesvik og kalligraf Bas Vlam! Det vert ei vakker utstilling med pensel og penn, følsom materialitet i dialog
Om arrangementet
Me gler oss til å invitera dykk til Kunstutstillinga 2024, med biletkunstnar Anne Hesvik og kalligraf Bas Vlam!
Det vert ei vakker utstilling med pensel og penn, følsom materialitet i dialog med tradisjon og historie – ei visuelt sterk og stemningsfullt kommuniserande utstilling til refleksjon og ettertanke.
Utstillinga opnar laurdag 11.5 i Ådnesstova (kafébygningen), og står til og med sundag 1.9. Alle verka er til sal.
![Eit vers frå Håvamål i vakker kalligrafi på ein fargerik bakgrunn](https://agatunet.no/wp-content/uploads/2024/01/Aga-havamal-bla-300x300.jpg)
Bas Vlam – Frå Håvamål
![Utdrag frå Landslova av 1274 måla på ein stor raud flate sett saman av to breie eikeplank. Skrifta er i gull, og til venstre er ei ranke vakker ornamentikk i blågrønne toner](https://agatunet.no/wp-content/uploads/2024/01/Utdrag-fra-Landslova-200x300.jpg)
Anne Hesvik – Utdrag frå Landslova
Anne Hesvik vaks opp i Hardanger, og bur i dag i Strandvik. Arbeida hennar byggjer på klassiske malingstradisjonar. Ho arbeider ofte på tre, både i to og tre dimensjonar, og hovedsakeleg i olje. Ho nyttar mykje ornament, og lagar si eiga måling. Til Agatunet har ho og med verk som er direkte knytt til Landslova av 1274, kong Magnus Lagabøte si store lovbok som i år er 750 år – noko som markarast over heile landet.
Bas Vlam kjem frå Nederland, men bur i dag på Askøy utanfor Bergen. Han har arbeidd som kalligraf i mange år, og driv mykje kurs og føredrag i mellom anna kalligrafi og føredrag. Han arbeider mykje med både skrifttyper og tekstar fra mellomalderen og lenger attende, og er og kalligrafen bak replikaen av Bleiediplomet som me har i tunet – det eldste fullstendige rettsdokumentet i Noreg, gjeve her på Aga i 1293. Til Agatunet kjem Bas me vakre arbeider med utgangspunkt i mellom anna Håvamål og Landslova av 1274.
![Ei smilande kvinne med raudt hår i hestehale og kledt i sorte, delikate klede sit på ein benk foran ein hekk av tette grøne blad.](https://agatunet.no/wp-content/uploads/2024/01/Anne_Hesvik_port1-300x200.jpg)
Anne Hesvik
![Ein mann med briller. grånande hår og velfrisert grått skjegg i kvit, korterme skjorte sit ved eit bord og gjer klar eit papir til kalligrafi. Bak han velfylte bokhyller. Han smiler lett og ser konsentrert ut.](https://agatunet.no/wp-content/uploads/2024/01/Aga-portrett-1-1-269x300.jpg)
Bas Vlam
Program
Arrangementstype
Alle
Aktivitet
Arrangement
For familien
Konsert
Kurs
Undervisning
Utstilling
Arrangør
Alle
Agatunet
Borgstova
Granvin bygdemuseum
Granvin bygdetun
Hardanger fartøyvernsenter
Hardanger folkemuseum
Hardingfela.no
Hardingfela.no
Kabuso
Skredhaugen
Storeteigen
Voss folkemuseum