Bukkene Bruse - Annbjørg Lien, Arve Moen Bergset og Steinar Ofsdal
sun25sep15:30Bukkene Bruse - Annbjørg Lien, Arve Moen Bergset og Steinar OfsdalKonsert
Om arrangementet
Legendarisk folkemusikktrio endeleg tilbake på scena! Konsert på Hardanger folkemuseum, sundag 25. september kl 15.30 Annbjørg Lien, Arve Moen Bergset og Steinar Ofsdal kom saman for fyrste gong i 1989
Om arrangementet
Legendarisk folkemusikktrio endeleg tilbake på scena! Konsert på Hardanger folkemuseum, sundag 25. september kl 15.30
Annbjørg Lien, Arve Moen Bergset og Steinar Ofsdal kom saman for fyrste gong i 1989 for å spela under åpninga av BI i Sandvika kvar for seg. Sidan dei var samla, prøvde dei seg på litt samspel, det gjekk over all forventning, og den vidare historia er eit eventyr av ei karriere. Steinar Ofsdal var allereie godt etablert artist med ei rekkje utgjevingar bak seg når historien starta, men dei to ungdomane var heller ikkje uskrivne blad. Arve hadde vunne Spellemann i 1987 for plata Arvesølv og fekk oppslag på Dagsrevyen då han kom i stemmeskiftet. Annbjørg var frå tidleg alder særs dyktig og drivande på hardingfele med kappleikssigrar i fleng og med den ferske soloplata Kjellstadslåttar i kofferten.
Bukkene Bruse har gjeve ut fem album og motteke Prøysen-prisen. Den strålande musikken førte til at trioen turnerte i inn- og utland, og tok dei med seg verda rundt i alt frå Kina til dei amerikanske sørstatane. Dei vart utnevnde som offisielle OL-musikarar for OL på Lillehammer, eit oppdrag som tok dei til Atlanta, Tokyo, Barcelona og München saman med Dronning Sonja sin vinterutstilling, og overalt der dei kom tok dei publikum med storm.
Annbjørg Lien – hardingfele, nyckelharpe,
Arve Moen Bergset – kveding, fele og hardingfele,
Steinar Ofsdal – fløyter
VestaFolk – ‘folkemusikk på turné med Førdefestivalen’, er eit nytt turnéinitiativ for å få meir folkemusikk ut til folket. VestaFolk 2022 har økonomisk støtte frå Vestland fylkeskommune og Sparebankstiftinga Sogn og Fjordane.
Konsertane på Hardanger folkemuseum vert arrangerte i samarbeid med Hardanger folkemusikksamling og med støtte frå Norsk kulturråd.
Tid
25. September 2022 15:30(GMT+00:00)
Billettsal på nett
Sjå arrangementet på Facebook
Program
lau31mai11:00sun31aug17:00Kulturskule- utstillinga 2025Unge og lovande!
Om arrangementet
Kvart år set me opp ei utstilling laga av elevar på kunstfag i Ullensvang kulturskule. Utstillinga finn du i kjellaren i Johansstova. Elevane jobber med stor variasjon gjennom skuleåret, og utstillinga
Om arrangementet
Kvart år set me opp ei utstilling laga av elevar på kunstfag i Ullensvang kulturskule. Utstillinga finn du i kjellaren i Johansstova.
Elevane jobber med stor variasjon gjennom skuleåret, og utstillinga representerar denne breidda – ein får sjå alt frå raske skisser (croquis og bilndteikning) frå teikneøvingar, til meir forseggjorte arbeid som har vakse fram over tid.
Elevane vel sjøl ut nokre verk som skal inngå, og kunstfaglærar Johild Mæland syter for god representasjon og monterar utstillinga.
Det har i år vore 40 elevar fordelt på seks undervisnningsgrupper, ei i Jondal , ei på Hauso og fire grupper i Odda. Spennet i alder er stort, frå småskule til vaksne elevar.
Felles for alle gruppane er at dei ein periode såg på folkekunst, der ein spesielt undersøkte ulike stilretningar innan rosemaling.
Hardanger spillfestival inviterte kunstfag til å lage illustrasjonar, i form av spelkort i eit gjeve format, til presentasjon av dei ulike spela på festivalen. Til samen vart det laga 43 fine små teikningar.
Elevane dreg kvart år på ei ekskursjon og gjer feltarbeid – i år var dei på Baroniet i Rosendal, midt under bløminga!
Utstillinga i år syner både teikning, spillkort, rosemålingsstuder, og maleri. I tillegg vil ein også visa nokre tredimensjonale arbeid, i form av skulpturar.
Utstillinga opnast laurdag 31.mai (sjå eigen programpost om opningsarrangementet), og vert dei fyrste vekene tilgjengeleg laurdag og sundag frå 11-17.
Frå mandag 16.6 til sundag 31.8 er ho open kvar dag 11-17.
Utstillinga inngår i ordinær billett.