Konsertar med Øyonn Groven Myhren
lau13mai14:00lau15:15Konsertar med Øyonn Groven MyhrenMellomalderballader i Lagmannsstova
Om arrangementet
I samband med sesong- og utstillingsopning 13. mai 2023 har me gleda av å invitera til konsert med Øyonn Groven Myhren i Lagmannsstova! Øyonn Groven Myhren har arbeidd mykje med mellomaldermusikk,
Om arrangementet
I samband med sesong- og utstillingsopning 13. mai 2023 har me gleda av å invitera til konsert med Øyonn Groven Myhren i Lagmannsstova!
Øyonn Groven Myhren har arbeidd mykje med mellomaldermusikk, og det vert ei stor oppleving å høyra ho i den gamle mellomalderstova i Agatunet! For at flest mogleg skal få høve til det held ho denne dagen to konsertar, den fyrste klokka 14:00 og den andre klokka 14:45.
BILLETTAR I KAFÉEN PÅ FØREHAND:
Utstillingsopning og utstilling, samt konsert med Øyonn Groven Myhren: 280/250,-
Berre utstillingsopning/utstilling: 115,-
Berre konsert med Øyonn Groven Myhren: 200/180,-
Meir om Øyonn Groven Myhren:
Øyonn Groven Myhren vert rekna som ei av dei fremste folkemusikarane våre, og har vunne fleire førstepremiar frå Landskappleiken. Ho har vore sentral i ei rekkje prosjekt, blant anna i kvedargruppa Dvergmål, som har gitt ut to album: Visor og kvæde frå Blåberglandet (1996) og Song i himmelsalar (2004). CDen Nordjordet (2018) er frukt av eit mangeårig samarbeid med Bugge Wesseltoft. Her er òg verd å nemne I Jolo (1998) saman med Eilert Hægeland og Alf Tveit, Runarslaget (2021) saman med SISU slagverksensemble, og Tìle (2022) saman med Sidiki Camara og Olav Torget. Ho har arbeidd mykje med mellomalder-songar, blant anna gjennom ensemblet Aurora Borealis, med albuma Harpa (1997) og Wizlavs viser (2018), og i duoen Sogesong (med Anne Hytta) med Så vide fara dei lindaord (2017). Ho har sett søkelys på norsk 1600-talls-musikk gjennom ensemblet Barokk Boreal med albuma Ti bud i sanger (2020) og Sanger om død og glede (2022). Ho har skrive all musikken til kvedar-trilogien Haugtussa – forteljing i songar (2023). I 2001 skreiv ho tingingsverket Nivelkinn i hop med Odd Nordstoga, med tekstar av Aslaug Vaa. Urframføringa av verket vart gjeve ut på CD og fekk Spellemannprisen i kategorien Folkemusikk/Gammaldans i 2002. Som soloartist har ho gitt ut slåttetralle-albumet Akkedoria frå Kristiania (2003) og ballade-albumet Grisilla i Gullveven (2008), og ho har mottatt høgthengande prisar som Norsk folkemusikkfonds folkemusikkpris (1997), Sagaprisen (1997) og Gammeleng-prisen (2022).
Program
Arrangementstype
Alle
Aktivitet
Arrangement
For familien
Konsert
Kurs
Undervisning
Utstilling
Arrangør
Alle
Agatunet
Borgstova
Granvin bygdemuseum
Granvin bygdetun
Hardanger fartøyvernsenter
Hardanger folkemuseum
Hardingfela.no
Hardingfela.no
Kabuso
Skredhaugen
Storeteigen
Voss folkemuseum
Ingen arrangement